Khur jingjop ka Khliehtyrshi SC haka TSA 1st Division
Ïakhaid ka Wahiajer bad ka Sohphoh Limphyrnai ha ka Super Division.
Jowai, Risaw 19: Ki resol jong ki jingïalehkai phutbol ka lympung ‘Hajan Shylla Memorial Football League 2026’ haka kyrdan ‘First Division’ bad ka kyrdan ‘Super Division’ kaba la tip kum ka ‘Kesilroy Memorial Football League 2026’ kiba la long hynne ka sngi Nyngkong, 19 tarik u Risaw 2026, bala pynïaid daka Thadlaskieñ Sport Association (TSA) ha Wahiajer Multi Sports Complex Stadium.
Haba phai sha ka jingïakhun ba nyngkong jong ka ‘1st Division’ ka kynhun ïalehkai jong ka Khliehtyrshi SC kala pynliem noh da tang 1-0 kol ïaka The A Team, bad ïa kane ka namtam la thep da u Chemiki Dkhar (77’).
Katba haka jingïakhun ba ar jong ka (Super Division) hapdeng Wahiajer SC bad ka Sohphoh Limphyrnai SC, ka jingïalehkai ka la kut ha ka jingïakhaid khlem da don ba lah pynkhihjar.
La pyntip ka jingïakhun ha kane ka sngi Ba-ar (20.10.2026) haka kyrdab ‘1st Division’ kan long hapdeng ka Jalapang SC pyrshah ïaka Tyrshang SC haka por 11 baje mynstep. Katba haka kyrdan ‘Super Division’ haka por 1 baje shiteng nohphai sngi ka Larnai Lurshai SC pyrshah ïaka Nongkhroh rim SC.