Shillong, Naiwieng 03: Ka Nongkseh SC bad ka Sohryngkham SC ki la ïoh ban sam mar shi point naba ïakhaid mar 1-1 kol ha ka jingïalehkai kaba la long ha ka sngi Saitjaiñ ha ka lympung First Division 2024 jong ka Shillong Sports Association ha madan SSA, Polo.
Dei ka Sohryngkham kaba la ïoh lamkhmat nyngkong, lyngba u Daiomeki Kharpran (13’). Hynrei u Chesterpaul Lyngdoh (57′) u la pynïakhaid na bynta ka Nongkseh ha ka kylla miet.
Ka SSA First Division kan bteng lashai ka sngi Hatmajai, ha kaba ka Lawsohtun SC kan ïakhun pyrshah ïa ka Mylliem SC ha ka por 11 shiteng mynsngi, nangta bud sa ka jingïalehkai hapdeng ka Nongrah SC pyrshah ïa ka Mawkhar SC ha ka por 2 shiteng mynsngi.
