Shillong, Naiwieng 02: Ki don 27 ngut ki rangïalehkai kiba la shah jied na bynta ka jingpyrshang ba khadduh (selection trial) ban sa rai ïa ka kynhun U-16 jong ka Meghalaya Cricket Association na ka bynta ka samoi ïalehkai jong ka BCCI 2024-25.
Ka MCA ka la pyllait ïa ka thup kyrteng jong ki khynnah shynrang kiba la pyndep ïa ka TW-3 age verification test bad kine mynta kin ïoh ban shimbynta ha ka jingpyrshang (selection trial) ba khadduh ban long ha Shillong naduh ka 14 haduh ka 17 tarik Naiwieng. Ka por ban wanpoi ha madan kan long 7 shiteng mynstep.
Ynda la kut ka jingpyrshang jied player, yn sa pynbna ïa ka thup jong ki 15 ngut ki rangïalehkai ryngkat ka prokram kilanmet ban pynkhreh ïa ka samoi naduh ka 18 tarik Naiwieng haduh ka 2 tarik Nohprah ha Nongkhrah, Ri-Bhoi, ha shwa ka lympung ïalehkai jong ka Vijay Merchant Trophy ka BCCI.
Arphew-wei ngut ki la pyndep ïa ka TW-3 test dang shen mynta u bnai, katba hynriew ngut ki dang lah ban ïoh jaka ha ka thup kyrdan U-16 katkum ka rukom pynïaid ban pynshisha ïa ka rta ba la pynlong ha ka aïom ba la dep.
Kine ki kyrteng ki long: Mannan Surana, Krishiv Chaudhary, Raunak Srivastava, Samelawan S Nongkseh, Manbhalang Marshillong, Chingring K Marak, Aryan Kumar Ray, Sameer Chaudhary, Eshan Siangshai, Benhaden N Marak, Doangkam Ch Marak, Abhijit Chanda, Jakrasil Chuseng R Marak, Abagtha Marak, Joseph Mathew, Chukam Matsram D Shira, Damechua Khongsngi, Hriday Chettri, Jamesbirth Ch Sangma, Trejosh Dey, Trijal Agarwal, Mewankitbok Kharpuri, Udit Pradhan, Gurjit Singh, Everbloom Nongrum, Aryan Tomar, Aadit Pradhan
Support staff: Sengam G Momin (Head Coach), Shankar Newar (Assistant Coach), Karma Sangma (Physio), Santosh Ram (Trainer).
