Jowai, Risaw 20: Ki resol jong ki jingïalehkai phutbol ka lympung ‘Hajan Shylla Memorial Football League 2026’ jong ka kyrdan ‘1st Division’ bad ka kyrdan ‘Super Division’ kaba la tip kum ka ‘Kesilroy Memorial Football League 2026’, ba la long hynne ka sngi Ba-ar, 20 tarik u Risaw 2026, bala pynïaid daka Thadlaskieñ Sport Association (TSA) ha Wahiajer Multi Sports Complex Stadium.
Haba phai sha ka ‘1st Division’ hapdeng ka Jalapang SC pyrshah ïa ka Tyrshang SC, ka jingïakhun ka la kut ha ka jingïakhaid mar 1-1 kol.
Ka Jalapang SC ka la ïoh ban lamkhmat ïa ka kylla step lyngba u Chelang Laloo (38’) hynrei ka Tyrshang ka la pynïakhaid lyngba u Kyrsiew Suting (49’) ha ka kylla miet.
Haka jingïakhun jong ka Super Division, ka kynhun ïalehkai jong ka Larnai Lurshai kala pynliem noh da 2-0 ïaka Nongkhroh Rim. ïa kine ki kol la thep da u Iaidon Shadap (32’) bad u Enforce Kharsohnoh (40’).
La pyntip ba ki jingïakhun ha kane ka sngi Balang (21.10.2026) haka kyrdan ‘1st Division’ kan long hapdeng ka Evergreen SC pyrshah ïaka Maya SC haka por 12 baje mynsngi. Katba haka por 2 baje nohphai sngi ka Umjalasiaw SC pyrshah ïaka Friends United.
