Jowai, Risaw 20: Ka jingïalehkai hynne ka sngi Ba-ar (20-10-2026) hapdeng ka Nongtalang Khlachympa Sports and Cultural Club pyrshah ïa ka Nongtalang Veteran XI jong ka 9th Inter-Dong Football Tournament ba la pynïaid da ka Seng Samla Nongtalang Khlachympa Sports and Cultural Club, Nongtalang haka por 2:30 baje nohphai sngi ha madan Nongtalang. Ka Nongtalang Khlachympa S&CC ka la jop da 2-0 kol ïaka Nongtalang Veteran XI.
Haba phai sha ka jingïalehkai ha ka kylla step mynta ka sngi ka long kaba ïa ryngkat bor ym don ba ïoh thep kol bad haka kylla miet pat jong ka jingïalehkai baroh arliang jong ki team ki la pyrshang ban thaw ki lad ki lynti ban ioh thep, hynrei daka jingïalehkai bha ki rangïalehkai jong ka Nongtalang Khlachympa S&CC ki la ïoh ban thep ar kol, ïa ka kol ba nyngkong la ïoh ban thep da u Enamtiphrang Lyngdohgiri bad ïa ka kol kaba ar la ïoh ban thep da u Fedrick Shandame Nongpoh (Nongtalang Khlachympa S&CC).
ïa ka nam-tam (Man of the match) la ïoh rah da u Enammiki Surong (Nongtalang Khlachympa S&CC).
La pyntip ka jingïalehkai la shai ka sngi (21-10-2026) kan long hapdeng ka Nongtalang Shnongthmai Sports Club pyrshah ïa ka Amlariang Sports Club haka por 2:30 baje nohphai sngi
