Jowai, Naiwieng 11: Ka The A Team bad ka Mukhla Raij ki la jop ïa la ki jong ki jingïalehkai ha ka lympung ‘Hajan Shylla Memorial Football League 2026’ jong ka kyrdan ‘First Division’ bad ka ‘Kesilroy Memorial Football League 2026’ ha ka kyrdan ‘Super Division’ ba la long hynne ka sngi Balang (11 tarik u Naiwieng 2026).
Baroh ar tylli ki lympung la pynïaid daka Thadlaskeiñ Sport Association (TSA) ha Wahiajer Multi Sports Complex Stadium.
Haba phai sha ka jingïakhun Quarter final ba ar jong ka ‘1st Division’ ka The A Team kala wanphai na ka shi kol ban khur ïa ka jingjop da 2-1 pyrshah ïa ka Umjalasiaw. Ki ar kol jong ka The A Team la thep da u Kitlang Bamon (49’) bad u Iohphrang Lakiang (54’). Ka Umjalasiaw ka la lamkhmat shipor lyngba u Lemiki Dkhar (13’).
Haka jingïakhun ba ar jong ka Super Division la sakhi ïa ka Mukhla Raij kaba la pynliem da 6-2 kol ïaka Nongkhroh Mawsiang.
Ka Mukhla Raij ka la pynkhihjar lyngba u Sumarlangki Suting (22’), u Cladio Nongpluh (25’), u Nathaniel Kharbangar (35 & 59’) bad u Chandame Suna (69 & 75’). Katba ki ar kol jong ka Nongkhroh Mawsiang la thep da u Pynlut Diengdoh (30’) bad u Ebris Myrboh (90+4’).
Ha kane ka sngi Palei (12.11.2026) ka jingïakhun Quarter Final ba lai jong ka ‘1st Division kan long hapdeng ka Evergreen SC pyrshah ïaka Bamkamar SC haka por 10:30 baje mynstep.
Katba haka ‘Super Division’ ka Ummulong SC kan aireng pyrshah ïaka Nongkhroh Krem Kum haka por 2 baje shiteng nohphai sngi.
