Ha ka jingïalang ka BJP ha Khyndewso, sei u kyrtong ka BJP Mawhati ïa ki mat treikam lada u shah jied kum u MLA

Nongpoh, Rymphang 14: Katba ka sngi ka la nangjan sha ka jingjied nongmihkhmat sha ïing dorbar thaw aiñ jong ka jylla, ka Bharatiya Janata Party (BJP) Mawhati constituency ka la pynsawa jam ïaka sur treikam bad ïaka jingthmu jong kane ka Party ban wan rah kata ka jingkylla ha Mawhati Constituency lada kum ka party kan poi sha ka thong ka jingjop ha kane ka election 2023 na Mawhati
Ka BJP Mawhati Madan mynta ka sngi ruh ka la pynlong ïa ka jingïalang paidbah ha ka Shnong Khyndewso, ha kaba ha kane ka jingïalang kiba bun ki nongïalam bad ki nongkyrshan na kiwei ki party ki la wan ban pynïasoh sha ka party BJP da ka jingthmu ban wan kata ka jingkylla hadien ka election kumba ka party BJP ka dei ruh ka party kaba bat ïa ka jingsynshar ha ka ri India hi baroh kawei.
U National Vice President ka BJP, u Dr. M Chuba Ao uba dei ruh u in-charge jong ka BJP Meghalaya lyngba jong kane ka sngi u la pdiang burom ruh ïa kitei ki nongkyrshan bad ki nongïalam na kiwei ki party kiba la wan ban pynïasoh sha ka BJP ban kyrshan ïa u kyrtong ka BJP, u Dr. Evarist Myrsing har yngkat ka jigndon lang u Bah Shanbor Rympei,President BJP Mawhati Mondal, Bah Hilarious Lynshiang, Secretary BJP Mawhati Mondal bad kiwei kiwei ki nongkitkam jong ka BJP.
Kitei ki kiba la wan ban pynïasoh ïalade sha ka BJP ki kynthup ïaki nongïalam kiba la mih noh naka party HSPDP, Congress, UDP bad NPP.
U Dr. Evarist Myrsing kum u kyrtong ka BJP na Mawhati Constituency haba kren ha kane ka sngi u la pynpaw ïaka jingkmen kaba khraw ban iohi ba ki nongïalam naki kynhun saiñ pyrthei bapher bapher ba kin wan ban pynïasoh bad ka BJP bad kane ka pypaw shai ba kum ki nongïalam bad ki nongkyrshan ki la sdang ban sgnewthuh ba dei tang ka party BJP kaba don ha ka bor bad kaba lah ruh ban wan rah kata ka jingkylla ha Mawhati Constiteuncy.
Shuh shuh, lyngba jong kane ka sngi haba pan ka jingkyrshan na ki paidbah, u Dr. Evarist Myrsing u la kren shai ba lada ki paidbah ka Mawhati ki kloi ban pynjop ïa u kum u MLA katei ka thaiñ, u la kular ruh ban pynurlong ïa shibun ki jingdonkam jong ki paidbah kiba u la dep ban pynpaw pyrthei sha ki paidbah ka Mawhati ban leh hakhmat eh lada u la wan ha ka bor.
Ki katto katne ki mat kiba u la dep ban kren ki long ban kyntiew ïa u Maw ïambei kum ka jaka jngohkai pyrthei, ban kyntiew kyrpang ïa ka kam rep ka kam riang, ban kyntiew kyrdan noh ïa ka PHC sha ka CHC, u pud u sam, ka jaka pule kaba biang ïa ki samla, ban pynneh pynsah ïa ki riti ki dustur, ki lynti ki synkien, ki umbam ki umdih bad kynthup kiwei kiwei kiba donkam hakmat eh ban kyntiew ïa ka roi ka par bad ka ioh ka kot jong ki paidbah hapoh ka Mawhati Constituency.