Khliehriat, Nohprah 13: Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long ha ka 13 tarik u Nohprah, 2024 (sngi Thohdieng) ha EJDSA Artificial Turf, Diengshynrum, Khliehriat.
Haba phai sha ka jingïakhun jong ka Semi Final (Qualifier 2) ka kynhun ïalehkai jong ka Thangskai Tiger SC kala jop da 2-1 kol ïa ka R.Skhenshynriah SC, ïa kitei ki kol na ka Thangskai Tiger SC la thep da u Solomon Sympli haka minit ba 17 bad u Longprem Dera haka minit ba 108.
Katba ïa ka shikol na bynta ka R.Shkenshynriah SC la thep da u Fairdyson Bareh haka minit ba 69.
La pyntip ba ka jingïakhun phainal jong kane ka lympung Super Division ka EJHDFA ban knieh ïa ka nam lahduh kan long hapdeng ka Dhana CSC pyrshah ïa ka Thangskai Tiger SC, ka ban long ha ka 19 tarik u Nohprah, 2024 haka por 1 baje nohphai sngi.
