Dei ba la kut ka jingïakren ïasuk bad ka HNLC ki Pulit ki peitkhmat ban kem ïa ki dkhot ka HNYF

Nongpoh, Naitung 11: Ka Hynñiewtrep National Youth Front (HNYF), East Khasi Hills District bad kumjuh ruh na ka liang ka ïing ka sem, ki la pynrem jur bad pynpaw ïa ka jingsngewlyngngoh, hadien ba mynta ka sngi, ki bor Pulit ka Ri Bhoi, ki la kem ïa u Sanbor Rapsang, da kaba kynnoh ba u Sanbor Rapsang, u la don kti bad don ka jingïadei bad ka kynhun HNLC, da kaba shim kabu tang namar ba u President ba rangbah ka seng, u Bah Sadon Blah, u dei u Ksiang ïa ka HNLC na ka bynta bam ïa kren ïasuk hapdeng ka kynhun HNLC bad ka sorkar jylla.
Kum ban pynpaw, ka seng HNYF East Khasi Hills ka la pynpaw ïa ka jingsngewlyngoh, ka dei hadien ba mynta ka sngi, u Sanbor Rapsang, uba dei u President ka HNYF Mawlai Circle bad u Disciplinary Secretary ka seng kmie, u la shah kem ha ki bor pulit ka Ri Bhoi, katba u dang leit shaw skul ïa ki khun ha Mawlai.
Haba kren sha ki lad pathai khubor halor kane ka jingshah kem u nongïalam ka HNYF, u Bah T Swer, Assistant General Secretary ka HNYF East Khasi Hills, u la ong ba ka seng ka dap shisha da ka jingsngewkhia bad ka jingsngewdiaw kaba khraw halor ka jingshah kem une u nongïalam ka seng bad u la kynnoh ruh ba kane ka jingpyrtyrha ki pulit kam dei shuh ka sien kaba nyngkong, ha kaba tang ha kine ki khyndiat sngi ki pulit ka la kem ruh ïa u dkhot barim ka HNYF u Bah Tarson Lymba bad kiwei kiwei ki dkhot ka seng.
U la kren bynniaw ruh da kaba ong ba kum ka seng kam sngewthuh shuh ïa kane ka jingthwet ki Puliti ïa ki dkhot ka seng bad pynshai ruh kum ki nongïalam ka seng haduh mynta ki ïaid ha la ka lynti da kaba burom ïa ka aiñ bad lada ki bor pulit ki dang pyntyrha ïa ka seng kan poi ka por hadien habud ba ioh mih kaei kaei kaba kham palat ban ïa kane ka jingjia. kaei kaei kaba kham palat ban ïa kane ka jingjia ruh.
U la ong ruh ki bor pulit ki la shuh pynkbum jubor justi ïa ki nongïalam ka seng ba ki don kti bad ka seng HNLC, ha kaba kane ka la paw ruh naduh ba u President ba rangbah ka seng, u la long kum u ksiang ban ïa kren iosuk sha ka sorkar, bad naduh ba la thud ka jingïakren ïasuk ki pulit ki la shu peit khmat beit sha ki nongïalam ka seng HNYF, ha kaba kum ki nongïalam ka seng ki don ha syndah u President ban ïa trei ryngkat bad kam shym mut pat ba tang ba ki la don ka jingïadei bad ka HNLC ha ki por ba la leit noh tang namar ba ki ïa kren ïa khana bad ïa shong bam ïa shongdih lang ba ki don ka jingïadei bad ka HNLC ba kum ki nongïalam ka seng haduh mynta kim don ei ei kata ka jingïadei bad ka seng HNLC.
U la kynnoh ruh da kaba ong, ba lada tang na ka daw ba kim ioh ban phone ïa u Sanbor Rapsang ba ki suba don kti bad ka HNLC, na ka daw ba um plie ïa ka Mobile Phone, ki pulit ki la wan kem ïa u wat ha ka por ba u leit shaw skul khun bad kane ka long kaba ym lah ban pdiang da ka seng HNYF.
“U Sanbor Rapsang udei uba la don khun don donkti, ha kaba lada ki pulit ki kem ïa u, mano ban peit ïa ki khun ki kti jong u, da kaba kynnoh ba ki Pulit ki hpa ban leh katkum ka ain bad kum ka aseng ka pynpaw shai ba kampher to ïaid katkum kata ka ai bad na ka liang ka seng ruh ka don la ka lynti ban ïaid bad ngin sa ïa peit lashai kaei ba ka ïingbishar kan ai bor” ong u Bah Swer.
Shuh shuh, u la ong ruh ba tang kawei ka khubor ba shai sha ka tnad Pulit, sha ka sorkar bad khamtam ïa Myntri ka tnad ka kam pohïing, u Bah Prestone Tynsong, ka seng ka kyrpad wat nym pyntyrha than ïa ki seng HNYF, ba ioh poi ka por ba phim lah shuh ban tehlakam lada ka seng HNYF ka ïaid da kawei ka lynti, u la bynrap.
Ha kawei ka bynta ka hynmen baheh, u Bah Sanborlang Rapsang, ka la ïathuh ba na ka liang ka jongka kum ka hymmen bad ka ïing ka sem ki dap da ka jingsngewlyngoh kaba khraw haba ka ioh jingtip ba ki bor pulit kila wan ban kem noh mynta ka snig ïa u para jong ka, u Bah Sanborlang Rapsang, kata ha ka popr kumba 2:30 ne -3 baje eiei janmiet, da kaba kam ruh ba u Bah Sanborlang Rapsang udei uba kitkhia bha ïa ka ing ka sem, ïa ki khun ki kti bad ïa ka imlang ka sahlang
Ka hymmen ka la pynpaw ruh da kaba ong ba kim shym poi pyrkhat ba ki bor pulit kin wan ban kem noh ïa u. Nga ngeit skhem ba kiei kiei baroh ki long na ka bynta ka jingïalam jong u Blei bad baroh kin long kiba iaid beit iaid ryntih. Ka la ïathuh ruh ba u hynmen jongka, udei u briew uba pariah, u briew uba don shibun ki paralok kat shaba u leit u wan bad u long uba kloi ban ïarap ïa kino kino kiba donkam jingïarap bad kane ka jingshah kem jong u, ka la pynlyngngoh ïa ka ing ka sem, ka la pynpaw.