Shillong, Naitung, 11: Ki Pulit jong ka East Jaiñtia Hills District ha ka sngi Palei ki kem ïa uwei u briew ba la suba ba u dei uba donkti ha ka jingshah pynïap jong ki saw ngut ki briew ha kaba ïa ki metïap la lap ha ka shnong Umpleng, East Jaiñtia Hills District ha ka step 6 tarik Naitung, 2024.
Halor kane ka jingshah pynïap jong ki saw ngut ki briew, ki Pulit ki la register case hapoh ka Section 103/3 (5) jong ka BNS bad ka jingtohkit ka dang ïaid shakhmat ban ïohkem sa ïa kiwei pat kiba donkti ha kane ka jingjia.
Kum ban shu pyntip hangne, napdeng ki saw ngut kiba la shah pynïap, lai ngut ki dei kiba la ithuh kyrteng kum u Ravi Rai, 23 snem ka rta na ka shnong Elam, Mechipradesh, Nepal, u Rajesh Rai, 26 snem na ka shnong Dharan Sunsari, Koshi Anchal, Nepal bad u Nasar Kyndait, 33 snem na ka shnong Dkhiah East Pohshnong, East Jaiñtia Hills District.
Katba ïa uwei pat uba dang don haduh mynta ha ka jaka buh metïap ha Khliehriat Civil Hospital, ym pat don satia ban kam trai mano mano ruh.
