Nongpoh, Nailur 15: Ka tnad Enginnering bad Technology jong ka skulbah USTM mynta ka sngi kala rakhe ïaka National Engineer’s Day ban kynmaw burom ïaka sngikha jong u Mokshagundam Visvesvaraya uwei naki engineer ba paw ka ri halor ka phang smart engineering for a sustainable future through innovation and digitalisation.
Ïa kane ka jingrakhe bad ka prokram kyrpang la shim bynta da u Dr Shyamal Baruah, Chief General Manager, HR, Oil India Limited, Noida kum u kongsan haka jingdonlang u Prof. (Dr.) A.C. Kataki, Director, Medical Administration, P.A. Sangma International Medical College & Hospital (PIMC), USTM, haka jingdonlang ki riew pawkhmat, ki nonghikai lem bad ki samla pule katei ka skulbah bad lyngba katei ka prokram la pynpaw ba kumno ka jingpule ha kane ka bynta ka plie lad ïaki samla ban pyniar ïaka jabieng bad ka pyrkhat ka pyrdaiñ bad ruh ka lawei jong u briew bad ka imlang ka sahlang.
Ha kane ka sngi ki don ruh ki jingïakop bapher bapher kum ka jingïakop shna ïaki engineering model, poster competition, ai innovation challenge bad robo soccer competition.
