Jowai, Nailur 15: U Deputy Commissioner (Supply) West Jaiñtia Hills District ula pynbna paidbah ba la pyllait ïa u khaw AAY, PHH bad Non-NFSA na ka bynta u bnai September, 2026 sha baroh ki Wholesalers na ka bynta ban pynpoi sha ki FPS Centre.
Ïa ka bhah u khaw Antyodaya Anna Yojna (AAY) yn sam ha ka jingïoh kaba 35 kilo shi khlieh shibnai bad ym donkam siew dor.
Ïa u khaw Priority Household (PHH) yn sam ha ka jingïoh kaba 5 kilo shi khlieh shibnai bad ym donkam siew dor.
Katba ïa u khaw Non-NFSA yn sam ha ka jingïoh kaba 7.105 kilo shi card/ïing ha ka dor ba la pynbeit da ka Vigilance Committee bad ym dei ban die tam ïa ka dor T.14/- shi kilo.
U Deputy Commissioner ula bthah ïa ki FPS dealer ba ki die ban wan shim, ïa ki permit na ka ophis jong u Deputy Commissioner (Supply) bad ban sam pyndep hapoh 30 Nailur, 2026 khlem pep da kaba pyndonkam ïa ki e-pos machine da ka online mode.
