Da ki jaka thep ñiut samla ka RBYDSO sha ki paidbah ka Pahammawleiñ 20 mer

0

Nongpoh, Naiwieng 08: Kum shi bynta ban pynsngewthuh paidbah ïaka jingkordor ka khuid ka suba haki shnong ki thaw khamtam ban pynrung haka jingmut jingpyrkhat jong ki briew, ka Ri Bhoi Youth Developmental and Social Organization (RBYDSO), 20mer Circle mynta ka sngi kala pynlong ïaka prokram ai jinghikai halor ka khuid ka suba sha kumba 6 tylli ki shnong bad ioh ruh ban sam ïaki jaka thep ñiut. La wan ruh ban shim bynta ha katei ka prokram da u Bah Mayral Born Syiem MLA ka Nongpoh, Bah Balajied Ranee MDC, Bah Arnol Syngkli President rangbah ka (RBYDSO) u samla Iaikyrshan Jynthem President RBYDSO 20mer Circle, ki nongkitkam shnong, ki dkhot ka RBYDSO 20mer Circle ki khun samla lem bad ki longkmei naki 6 tylli ki shnong kiba naka thaiñ 20mer kaba la ai jingmyntoi ïaki paidbah ha katei ka sngi.
Haba kren ha katei sngi u Bah Mayralborn Syiem u la ong ba ka khuid ka suba ka long kaba donkam naka bynta ki paidbah khamtam ban ioh ïaka koit ka khiah bad ka jingitynnad jong ka mei mariang, ban kiar naka jingpyndonkam ïaki plastic bad ban bret ïaki ñiut bad ki jaboh haki jaka bala buh bad ki jaka ba dei ban bret.U la kyntu ruh ïaki paidbah ba ki dei ban long ka nuksa sha man la ki shnong ban pynphriang halor ka jingdonkam ka khuid ka suba kaba dei kawei naki mat bala ju ïakren haka pyrthei baroh kawei ban pynjyrngam biang sa shisien ïaka mei mariang kaba la duh noh ïaka jingjyrngam naka jingpynjot u bynriew.

Leave A Reply

Your email address will not be published.