Yn sdang ïa ka Special Summary Revision ïa ka ER ha WJH

0

Jowai, Naiwieng 8: Ka ophis jong u Deputy Commissioner (Election), West Jaintia Hills, ka la pyntip ba kan don ka Special Summary Revision jong ka Photo Electoral Roll katkum ka 01.01.2023 kan sdang naduh ka 09.11.2022 na ka bynta ka 1-Nartiang, 2- Jowai, 3- Raliang bad 4- Mookaiaw Assembly Constituency.
La ïathuh ba ka Election Commission jong ka Ri India ka la ailad ïa ki nongshong shnong ban pyndap ïa ki Form bapher bapher naduh ka 09.11.2022 haduh ka 08.12.2022.
Ki samla kiba la dap 18 snem katta katkum ka 01.01.2023, ki lah ban pyndap ïa ki Form ban pynrung kyrteng ïalade ha ka Electoral Roll. Shuh shuh la ailad ruh ïa ki nongshong shnong ki ban sa dap 18 snem ka rta katkum ka 1 tarik u April, 1 July bad 1 October ba kin phah lypa (in advance) ïa ki Form ban pynrung kyrteng bad ïa ki Form jong ki yn sa bishar yn da la dei ka por katkum ka jingbthah ba ïoh na ka Election Commission ka Ri India.
Ki nongshong shnong kiba kwah ban weng noh (delete) ïa ka kyrteng jong ki ba haïing hasem jong ki kiba la khlad noh ki lah ban pyndap ïa ka Form 7 hapoh kitei ki tarik ba la kdew haneng. Kumjuh ruh ban weng kyrteng ïa kiba don artylli ki Vote, lane kiba la transfer vote sha kawei pat ka jaka.
Kumjuh kito kiba kwah ban rah kyrteng na kawei ki Polling Station sha kawei pat (Transfer) bad kiba kwah ban pynbeit ïa ki jingbakla (correction) ha ki EPIC jong ki, ki lah ban submit form ha kitei ki tarik ba la buh.
La ïathuh ba ïa ki Form bapher bapher lah ban submit ha ki Booth Level Officer (BLO) kiba don ha man la ki Polling Station. Ki tarik ba kyrpang (Special Campaign Dates) ha kaba ki BLOS kin don ha ki Polling Station ki long 18 bad 19 November 2022 (1st Round) bad 25 & 26 November 2022 (2nd Round).
ïa ki Form lah ruh ban submit online lyngba ka NVSP/ Voter Helpline App.
U Deputy Commissioner (Election) u la kyntu ïa baroh ki nongshong shnong jong ka West Jaintia Hills District ban shimkhia bad ban ïatreilang bad ka ophis khnang ban ïoh ïa ka E-Roll kaba khuid kaba suba.

Leave A Reply

Your email address will not be published.