Ban rat dyngkhong ïa u drok bad kam sniew ïakynduh ki Pulit bad ki nongïalam niam

0

Shillong, Nohprah 22: Ki Pulit jong ka East Khasi Hills ha ka sngi palei ki la lum la lang ïa ki nongïalam niam ha Bianchi Hall ban ïakren bad ïatai ïathir halor ki jingsniew jong u drok bad kiwei ki jingsniew ha ka imlang sahlang bad ki lad ki lynti ban rat dyngkhong ïa ki.
Ha kane ka sngi u DGP, u Dr. L.R. Bishnoi, IPS u la wan shim bynta lang bad ai ruh ka jingkren halor ka phang ka jingsniew kaba mih na ka jingkyrni ha u drok bad ka jingkynrei jong u bad ba kumno ki nongïalam niam ki don ka bynta kaba kongsan bha ban rat dyngkhong ïa kine ki kam sniew.
U DGP ha la jingkren jong u u la kyrpad ïa ki niam bad ki balang ba kin ïarap ban ïakhun da kaba ïarap la kumno kumno uwei u nongdihdrok ba la kyrni ba un lait noh na ki kynjri ka jingkyrni.
Ha kane ka sngi la ioh jingkren ruh na u Phadar Richard Majaw, Vicar General, Shillong Archdiocese, u Rev W.C.Khongwir, Moderator barim ka Presbyterian Church of India, u Nabha Bhatacharjee, President Central Puja Committee, u Mukhdar Hafeez, Second Imam Bilal Masjid.Lumdiengiri bad u Raminder Singh, President Gurdwara Sri Guru Singh Sabha.

Leave A Reply

Your email address will not be published.