Balei ym shah kynthup ki 19 shnong ka Mawkynrew Block ha ka skhim Saubhagya kylli u Bah Banteidor

0

Shillong, Lber 23 : Ka jingbym shah kynthup 19 tylli ki shnong ka Mawkynrew C&RD Block ha ka skhim Saubhagya jong ka Sorkar India kata ban pynioh bor ding elektrik ha man ki shnong nongkyndong ka la pynlong ïa u MLA ka People’s Democratic Front (PDF) na Mawkynrew Constituency, u Bah Banteidor Lyngdoh ban buh jingkylli ïa ka daw ka jingbym kynthup ïa kitei ki shnong.
Haba jubab ïa ka jingkylli ha ka kynta kylli jingkylli ha ka sngi ba saw ka Dorbar Mang Tyngka ka ïing Dorbar Thawaiñ ka Jylla ha ka 23 tarik u Lber, 2023, u Myntri ba dei khmih ïa ka tnad kam bor ding elektrik, u AT Mondal u la ong ba ki don 53 tylli ki shnong kiba la kynthup ha katei ka skhim. Mar kumta u Bah Banteidor u la ong balei na ki 72 shnong la kynthup tang 53 tylli ki shnong bad haba jubab ïa kane u Myntri u la ong ba ka dei na ka daw ka jingduna pisa hynrei u la kular pat ban pynrung ïa kine ki shnong ha kane ka skhim ha ki por ki ban wan.

Leave A Reply

Your email address will not be published.