9 tarik Rymphang yn plie pyrda ka KSU Mawlai Circle ïa ka Maitshaphrang Khasi League Basketball
Shillong, Rymphang 01 : Kum shi bynta ban kyntiew ïa ki khun Samla ha ka jingïalehkai basketball na ka liang jong ka KSU Mawlai Circle kan pynlong biang ïa ka Maitshaphrang Khasi League Basketball Tournament 2023 (Khynthei & Shynrang) kaban sdang naduh ka 9 tarik Rymphang 2023.
Ïa ki form lah ban ïoh na Ophis treikam ka Seng na Jaïaw bad Ophis jong ka KSU Mawlai Circle kaba don ha Mawlai Nonglum. Kan don ruh ka jingai khusnam kyrpang ïa ki player ba kynsai tam haman la ki jingïalehkai. Ka Jaka ban pynïakhun kan long ha madan Basketball jong ka Shnong Mawlai Nongpdeng (Wahumkhrah).
Ka tarik ba khatduh ban pynpoi ïa ki form kan long ha ka 7 tarik Rymphang 2023. Kumta na ka liang ka KSU Mawlai Circle ka kyntu ïa kito ki kynhun kiba kwah ban ïashim bynta kin hap ban pynkloi ha ka ban shim noh ïa ki form khnang ba kin lah ban ïoh ïashim bynta ha katei ka Tournament.
Kane ka long ka kyrwoh na u Samla Badonboklang Malngiang Sports Secretary jong ka KSU Mawlai Circle.