2.40 lak kurup pisa thok ki pulit ka Ri-Bhoi na Umsning, ioh kem 3 ngut

0

Nongpoh, Rymphang 04: Kum ka jingteh pyrkhing ha kane ka elekshon ban lait na kano kano ka jingrah pisa bun bad khamtam ki pisa thok bad hadien ka jingtip ba thikna ba kila don 2 kynhun ki briew kiba thmu ban ïakylliang ïaki pisa thok India (Fake Indian Currency Notes) ki pulit jong ka Ri-Bhoi haka jingïalam u Bah B Diengngan DSP Crime hynnin ka miet kila pynlong ka jingpynap shrip haka thaiñ Umsning ban ioh kem ïa kitei ki briew.
Katkum ka jingtip bala ioh lum la ïathuh ba ki pulit kila ioh bat ïa kawei ka taxi haka por 7:25 baje eiei janmiet bala shong da kawei ka longkmie bala tip kyrteng kum ka Chonglalsang Simte na Lumpyngngad East Khasi Hills, bad kawei ka scooty kaba don ïa u number AS 01 BB 0939 bala ñiah da u Joni Boron a Sundarpur Assam ryngkat bad kawei ka longkmie bala tip kyrteng kum ka Lalnuntluangi na Durtlang Aizawl bad haka jingtalasi ïaki la lap ïaka pisa thok kaba don kumba T.2,48,500/- naka pla jong ka Lalnuntluangi bala song bha haka plastic.
Naka liang ki pulit kila kem noh ïa kitei ki 3 ngut bad register case pyrshah ïaki, bad naloe katei ka pisa thok ki pulit kila kurup ruh 4 tylli ki mobile phone, 3 tylli ki ATM Card bad kawei ka Scooty bad ka jingtohkit halor katei ka jingjia ka dang ïaid shakhmat ban lap shuh shuh ïa kiwei ki donkti ha katei ka kam.

Leave A Reply

Your email address will not be published.