Shillong, Kyllalyngkot 13: Ka jingïalehkai jong ka lympung 1st DIVISION Football League 2023-24 ba la pynïaid da ka Shillong Sports Association hynne ka sngi ha madan SSA Ground.
Ka jingïakhun ka la sdang ha ka por 2:15 baje nohphai sngi hapdeng ka Nongrim Hills SC pyrshah ïa ka Umphyrnai SC, ka jingïakhun hapdeng kine ki arliang mamla ka la kut ha kaba ka Nongrim Hills SC ka khur jingjop salit da shi kol.
ïa kane ka shi kol na ka Nongrim Hills la thep da u Suponglemba Khongwir shuwa ban kut ka por ïakhun, kata ha ka 88 minit kaba la pynthikna ïa ka kynhun ban khur shalade ïa ki lai point kiba kongsan.
