Jowai, K’Lyngkot 13: Ka lympung ïalehkai phutbol Republic Day Cup, Under-13 Football Tournament 2024 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka kynhun ïalehkai jong ka Kseh Sylle Ialong kala pynliem da 3-0 kol ïa ka Chilliangraij, ïa kitei ki kol na ka Kseh Sylle Ialong la thep da u Jeremy Mulieh haka minit ba 15, u Chanmitre Suchiang haka minit ba 20 bad u Jedison Dhar haka minit ba 26.
Katba ha ka jingïakhun kaba ar ka Iawmulong Nartiang kala pynliem da 5-2 kol ïaka Khimusniang, ïa ki kol na ka Iawmulong Nartiang la thep da u Ebiangmi Dkhar haka minit ba 24, u Ebormi Nongtdeh haka minit ba 35, u Kamkihi Pyrtuh haka minit ba 42 bad u Mewanhi Maskut haka minit ba 45 & 56. Ïa ki kol na ka Khimusniang la thep da u Pynshai Lamare haka minit ba 2 bad u Rudyson Sutnga haka minit ba 18.
La pyntip ba kane ka lympung kala jam sha ka ‘Quarter Final’ ka ban long haka 15 tarik u Kyllalyngkot hapdeng ka Catholic Youth Mihmyntdu pyrshah ïaka Iawmulong Nartiang haka por 10 waje mynstep, katba ka Sabah pyrshah ïaka Loompyrdi Ïongpiah haka por 11 shiteng mynstep.
Ha ka 16 tarik u Kyllalyngkot ka jingïakhuh ‘Quarter Final’ kan long hapdeng ka PSA pyrshah ïaka Panaliar ha ka por 10 baje mynstep, katba ka Ksehsylle Ialong pyrshah ïa ka FAM ha ka por 11 shiteng mynstep.
