Shillong, Nailur 12: Ka Meghalaya Body Builders Association ryngkat bad ka Meghalava Yoga Association ki la ïasnohktilang ban pynlong ïa ka 47″ State Body Building Championships ha kajuh ka por ïa ka 42nd state Yogasana Championships kaba la pynbeit ban long ha ka 30 tarik mynta u Nailur, 2023 ha Aurobindo Institute of Indian Culture, Shillong naduh 1 baje nohphaisngi.
Nalor ka jingïakop pyni dohksah jong ki shynrang (Men’s Body Building, Men’s Best Physique) kan don ruh ïa ka jingïakop na ka bynta ki kynthei kiba biang ka met ka phad (Women’s Best Physique). Ha kane ka sngi kan don ruh ïa ka Selection Trials lane ka jingjied na ka bynta ka Zonal, National Body Building bad ruh ka Yoga.
Ka jingthew kilo na ka bynta kiba nongïashimbynta kan long ha ka 28 tarik, Nailur, 2023 naduh ka por 4 baje janmiet hapoh He-Man Physical Institute, Jail Road, Shillong.
Ki lahduh ha ka thup Champion of Champions ha ka Men’s Body Building bad Men’s Best Physique kin ïohpdiang ïa ka khusnam Cash Prize. Yn sam khusnam Cash award ruh na ka bynta kito kiba jop ha ki kyrdan jong ki, baroh ar shynrang bad kynthei, bad ruh na ka bynta ki lahduh ha ka ki kyrdan jong ka Yogasana.
Yn wan sakhi ïa kane ka rynsan ïakop pyni dohksah bad Yoga da ka Kong Ampareen Lyngdoh, myntri jong ka Health & Family Welfare, jong ka sorkar jylla kum ka Kongsan, bad u Bah Fantin Joseph Lakadong, MDC kum u Symbud Kongsan.
Kane ka long katkum ka kyrwoh kaba la pyllait da ka Meghalaya Body Builders Association bad ka Meghalava Yoga Association ha kaba ïadei bad jingpynlong jong ki ïa ka 47″ State Body Building Championships ha kajuh ka por ïa ka 42nd state Yogasana Championships ha ka 30 tarik, Nailur, 2023.
