Rung Final ka Diengshynrum SC ha ka EJHDFA Super Division

0

Jowai, Naiwieng 15: Ka Diengshynrum SC kala pynthikna ïa ka jaka ha ka phainal jong ka lympung phutbol Super Division kaba la tip ruh da ka 6th Kyrmen Shylla Contribution Trophy League Stage, ba la pynïaid da ka East Jaiñtia Hills District Football Association (EJHDFA), hadien ba ka la jop ïa ka semi final ha ka sngi Saitjaiñ (14 tarik Naiwieng, 2026), ha madan Artificial Diengshynrum, Khliehriat.
Haba phai sha kane ka semifinal kaba la long hapdeng ka Diengshynrum SC pyrshah ïa ka Chiehruphi SYWSC, ka jingïakhun ka la poi sha ka jingïakhaid, ha kaba baroh arliang ki la thep mar 1-1 kol.
Ha ka jingïalehkai dei ka Chiehruphi SYWSC kaba la lamkhmat lyngba ka kol jong u Wanrilanki Lamare haka minit ba 25, hynrei ka Diengshynrum SC ka la pynïakhaid na ka penalty jong u Th Aktar Hussain (P) haka minit ba 73.
Kane ka jingïakhaid ka la pynlong ïa kine ki arliang mamla ban jam sha ka Tie Breaker ban rai ïa ka nongjop, bad dei hangne ba ka kynhun ïalehkai jong ka Diengshynrum SC kala lah ba kan khur ïa ka jingjop da 5-3 ban pynskhem ïa ka jaka jong ka ha ka phainal.
Ha kaba kut jong ka jingïalehkai ïa ka khusnam Player of the Match la ïoh khur da u Hame Nongtdu jong ka Diengshynrum SC.

Leave A Reply

Your email address will not be published.