Shillong, Ïaïong 26 : Ka KSU Laitumkhrah Unit ha ryngkat ka Team Revolution MMA kan sa pynlong ïa ka Maitshaphrang Fight Night lane ka Meghalaya Cage Fight ha ka 19 tarik u Jymmang 2023 ha Anton Hall ka ban sdang naduh ka por 3 baj janmiet.
“Ka KSU ka ïohi ba ki samla Khasi ki don sap bha ha kine ki jinglehkai kumba ju sakhi mynshwa ba ka Jaidbynriew ka pynmih ki khlur kum ka Kong Linza Syiem, Bah Torak Kharpran bad kiwei kiwei. Kumta, kum shi bynta ban kyntiew ïa ka jingïalehkai MMA ka KSU Laitumkhrah Unit kan kyrshan ïa ka Club Team Revolution MMA ha kane ka sienjam. La kyrpad ïa ki samla Khasi ban shim bynta shitrhem bad kumjuh ruh ïa ki paidbah ban ai ka jingkyrshan ba pura ïa kine ki samla khnang ba ki samla kin lait na ki jingdih ba kyrni bad kin ïoh ka met kaba shait ba khlaiñ,” ong ka kyrwoh na ka KSU Laitumkhrah Unit.
