Shillong, Ïaïong 26 : Ka Ïewduh SC ka la khur jingjop ha ka lympung ïalehkai phutbol kaba la tip kum ka 4th UUP Invitation Football Tournament 2023 ha madan UUP Urksew, Pynursla ha ka jingïalehkai pre-quarterfinal ha ka sngi Ba ar.
Ka Ïewduh SC ka la khur jingjop da kaba pynliem da 3-1 kol pyrshah ïa ka Nongrim Hillls ha katei ka jingïalehkai ba pynïaid da ka UUP SC Pynursla kaba dei kawei na ki lympung ïalehkai phutbol kaba pawnam ha ka thaiñ Riwar Mihngi, Pynursla.
Ka Ïewduh ha ka kylla step ka la ïoh ban thep ar kol bad shi kol ha ka kylla miet, katba ka Nongrim Hills ka la ïoh ban thep ïa katei ka shi kol ha ka jingïalehkai jong ka kylla step. Ka jingïalehkai kaban long ha ka 29 tarik Ïaïong 2023 hapdeng ka Jacquar SC pyrshah ïa ka Umphrup SC (Smit).
