Yn pynkynriah ïa ka tarik jong ka Charitable Football Match hapdeng ka RUFC pyrshah ïa ka SWKHD-FC
SHILLONG, Nailar 03: Ka KSU South West Khasi Hills District bad ka KSU Mawkyrwat Circle ka kwah ban pyntip paidbah ba ïa ka tarik jong ka ‘Charitable Football Match’ ka ban long haka 12 tarik, Nailar, 2024 ha Madan M.D.S.A Artificial Turf, Nonglang South West Khasi Hills District la pynkynriah naka daw ba ka Rangdajied United FC ka la shah jied ban ïashimbynta haka Durand Cup 2024.
Ka KSU ka pynpaw ïaka jingsngewsarong ba sa kawei ka klob naka Jylla kan ïoh ïashimbynta haki lympung baheh jongka Ri.
“Ngi kitbok kitrwiang ïaka Rangdajied United FC ba kan ïalehkai bha ha kane ka Tournament bad ba kan nang lah ban sei ïaki samla donsap ka Jaitbynriew haki rynsan ba kham heh” .
Na ka liang jong ki, ki la kyntu ruh ïaki paitbah riewieit phutbol ban ïaishah lem halor kane ka jingpynkynriah tarik bad ban wan ïashimbynta shitrhem ban ïa kyrshan bad synñiang ïaka Rehabilitation and Centre kaba don ha Sohkhyllam, South West Khasi Hills District tad ynda ngi la ïoh ban pynbeit thymmai ïaka tarik ïalehkai.
Na bynta ka tarik ba thymmai ka kynhun kan sa pynthikna hadien. Kane ka long katkum ka kyrwoh na u President KSU ka South West Khasi Hills District.