SHILLONG, Nailar 03: Ka kynhun ïalehkai phutbol ki thei jong ka Lumparing SC, kala ïoh ban rah ïaka nam lahduh haka lympung phutbol ki kynthei ba la tip da ka ‘Women Football Tournament 2024’ bala pynïaid daka Pay For Right Youth & Cultural Club kaba la long haka 27 tarik Naitung, 2024 ha Madan Malki hadien baka kala lah ban pynliem noh ïaka Combined Women Team da 3-2 kol.
Ka jingïalehkai hapdeng kine ki artylli ki kynhun ka la long kaba itynnad bha ha kaba ha kylla step ka Lumparing SC kala ïoh ban lamkhmat lypa da 2-0 kol.
Nangta ha ka kylla miet ka jingïalehkai ka la sdang ban kylla hadien ba ka Combined Women Team kala ïoh pynphai shi kol, hynrei tang katto katne minit ka Lumparing SC kala ïoh ban tam biang da ar kol lyngba ka kol kaba lai.
Watla kata ruh, na ka liang jong ka Combined Women Team kam shym la kynran dien satia na ka jingïakhun bad shuwa kut ka la ïoh ban pynphai sa ïa ka kol kaba ar. Hynrei ka por ka lyngkot eh ïa ka kynhun bad ka la shah rem noh da 3-2 kol.
Ha kane ka sngi la donryngkatlang i Dr. M Ampareen Lyngdoh kum ka Kongsan bad ki dkhot jong ka nongpynïaid ka synjuk.
Ha shwa ban pynsdang ïa katei ka lympung la ïoh shwa ïaka Awareness Program ha kaba ïadei bad HIV AIDS bad kumjuh ka jingai jingpynshai ïaki kynthei ha kaba ïadei bad ka shongkha shongman khnang ban lait na kane ka jingpang kaba ktah ruh ïaki khyllung lada ki pun khun.
Kane ka lympung ka la ïoh ruh ka jingkyrshan naka CMYDS 2021-22, District Sports Promotion Scheme, MCAB, Yess Meghalaya bad MACS.
