Jowai, K’Lyngkot 20: Ka lympung ïalehkai phutbol 3rd Place jong ka “3rd Sniawbhalang Football Tournament” kaba la long mynta ka sngi 20 tarik u Kyllalyngkot ha madan Wahiajer Stadium Wahiajer West Jaiñtia Hills District.
Haba phai sha ka jingïakhun mynta ka sngi ki kynhun kiba ïaknieh ïa ka nam balai kiba la long hapdeng ka Wahiajer pyrshah ïa ka Umjalisiaw, na ka liang ka kynhun ïalehkai jong ka Wahiajer kala lah ban pynliem da 8-0 kol ïa ka Umjalisiaw, ïa ki kol na ka Wahiajer la thep da Pynkhreh Talang haka minit ba 4, u Gideon Mukhim haka minit ba 12, 25, 30 & 68, u Heimonmi Dkhar haka minit ba 44, u Ruburom Jat haka minit ba 67 bad u Oliver Pale haka minit ba 72.
Kane ka lympung mynta u snem kala jam sha ka jingïakhun phainal ka ban long ha ka 23 tarik u Kyllalyngkot 2024 kaba dei ruh ka sngi ban plie pyrda ïa katei ka madan (Stadium) ha Wahïajer da u Myntri Rangbha ka jylla.
La pyntip ki kynhun ki ban knieh ïa ka nam lahduh ha kane ka “3rd Sniawbhalang Football Tournament 2024” kan long hapdeng ka Nongkhroh pyrshah ïa ka Sohphoh haka por 1 baje nohphai sngi.
