Kitbok u Bah Sanbor ïa ki samla na Mawlai kiba leit ïakhun ha ka World Arm Wrestling Championship

Shillong, Risaw 02: Ka Bharatiya Janata Party (BJP) Mawlai Mandal ha shwa ba saw ngut ki khun jong ka shnong Mawlai kin leit sha nongbah Delhi ban leit ia shim bynta ha ka World Arm Wrestling Championship, kila pynlong ia ka jingkitbok bad ai mynsiem ia kine ki samla.
ïa kine ki saw ngut kiba la shah pynkup burom ha u Bah Sanbor Shullai uba dei u MLA ka BJP na19 South Shillong uba dei ruh u Myntri Sorkar ha ka jingdon lang ryngkat bad u Bah M Kharkrang uba dei u nongai ktien ka BJP.“Ïa kane ka jingle burom ia kkine ki saw ngut la pynlong ha shnong Mawlai Umthlong ha ka jingdon ki nongialam shnong, ki longkmie bad ki khun samla.
Ha kane ka sngi u Bah Sanbor u la noh synniang mar 10 hajar sha kine ki saw ngut ki thei bad ki rangialehkai bad kine ki kynthup ia u Bah Alexshonroy Mylliem Umlong, u Bah Borsis Nongbri ka kong Bandarika Kharkongor bad ka kong Nerisa Kharphuli.
Haba kren kum u kongsan u Bah Sanbor u la ong u la kitbok kitrwing ia kine ki saw ngut ba kin lah ban wanrah ia ka nam bad ka burom ia ka jylla bad kum shi bynta ban iarap ia ka bai leit bai wan jong ki, u la bthah ba kin wan mih sha ophis khnang ban ia kren bad ka sorkar halor ka jingdonkam.
Shuh shuh u la ong, mynta ka sngi nga ai mar shi phew hajar tyngka hynrei hadien ka 6 hynriew tarik u Risaw sa wan sha ka ophis jong nga khnang ban ioh ai biang sa mar 25 hajar tyngka sha baroh saw ngut.
Naka liang u Bah M Kharkrang ba kine ki saw ngut kim dei kiba leit ia shim bynta ha ka rynsan kaba rit hynrei kadei ka rynsan kaba heh bha namar ba kadei jong ka World Arm Wrestling Championship bad kumta ngi kitbok kitrwiang ba kin lah ban leh bha.