Ym don ei ei ha lyndet halor ka Mairang bad Shillong South constituency : President NPP

0

Shillong, Naiwieng 20 : U President ka National People’s Party (NPP) Dr. WR Kharlukhi u la ong ba kam don satia kano kano ha lyndet lane ka jingpynbeit haba ïadei bad ka jingbym pynieng kyrtong ha Mairang bad kumjuh ha Shillong South Constituency.
“Kam don satia kano kano ka jingpynbeit bad ki nongmihkhmat na kiwei pat ki party ban ym pynieng kyrtong na Mairang bad Shillong South,” u la ong haba kren bad ki lad pathai khubor.
Da kaba bynrap shuh shuh u ong ba tad haduh mynta hi kumba ka long, ka NPP kam pat lah ban pynbna ïa ki kyrtong na kitei ki constituency. “Tangba ngi dang don por sa kumba ar bnai,” u la ong.
Lah ban kdew hangne ba ka Mairang kadei kaba mihkhmat da u President ka UDP Bah Metbah Lyngdoh ba dei ruh u Lamphang ba mynta ka Iing Dorbar Thawaiñ ka jylla bad u lah ban long ruh u kyrtong Myntri Rangbah ka party ha u 2023. Katba ka Shillong South pat kadei kaba mihkhmat da u Bah Sanbor Shullai na ka BJP uba bat mynta kum u Myntri ka tnad Arts and Culture ka sorkar jylla.

Leave A Reply

Your email address will not be published.