Wer ka Shillong Lajong ïa ki paid ieid phutbol, 14tarik yn ïakhun ha Shillong

0

Shillong, Ïaiong 10 : Ki bor pynïaid jong ka kynhun ïalehkai jong ka Shillong Lajong kaba ïakhun mynta ha ka Second Division League ka khot ka wer ïa ki paidbah ban wai jingkyrshan ïa katei ka kynhun ha ka jingïakhun ha la iing ha ka 14tarik mynta u bnai.
Kane ka kynhun kan hap ban aireng pyrshah ïa ka United Sports Club, ka kynhun ïalehkai kaba khlain bha na Kolkata.
Haba kyntu ïa ki paid ieit phutbol jong ka jylla, na ka liang u Assistant Coach ka Shillong Lajong u Bah Seibor Sana u la pynpaw ka jing sngewkmen ba ka kynhun ka la lah ban ïalehkai bha ha ki ar tylli ki jingïalehkai ba la lah jong kane ka jingïaknieh rung sha ka I-League.
Lah ruh ban kdew hangne ba ka kynhun ka la dep jop d 1-0 kol ïa ka ïa ka East Bengal bad kumjuh ïa ka Diamond Rock Football Club kaba na Madhya Pradesh.
Watla kane ka kynhun ka la shah pynhiar kyrdan na ka I-Legue ha u 2019, hynrei ha kane ka kynti kaba mynta ka la khmih lynti ban ïakhun tyngeh na ka bynta ban wanphai biang sha katei ka kyrdan sa shisien pat da ka jingkryshan lang jong ki paidbah..

Leave A Reply

Your email address will not be published.