Mad jingjop ka Mawsiang SC Nongkhroh haka TSA Super Division
Jowai, Naiwieng 18: Ka Mawsiang SC ka la jop ïa la ka jong ka jingïalehkai ha ka ‘Super Division’ kaba la tip kum ka ‘Kesilroy Memorial Football League 2026’ ba la long hynne ka sngi Balang (18 tarik u Naiwieng 2026).
ïa kane ka lympung la pynïaid daka Thadlaskeiñ Sport Association (TSA) ha madan Wahiajer Multi Sports Complex Stadium.
Haba phai sha ka jingïakhun, ka kynhun ïalehkai jong ka Mawsiang SC Nongkhroh kala jop da kaba pynliem 5-0 kol ïaka Nongkhroh Krem Kum.
U Miki Kharsati (11 & 66’) bad u Pyndapbiang Myrboh (24 & 90+1’) ki la pynkhihjar mar ar sien na ka bynta ka kynhun, katba kawei pat ka kol la thep da u Shembiang Diengdoh haka minit ba 90+ 2.
Ha kane ka sngi Palei (19.11.2026) kan don ka jingïakhun semi final ha ka 1st Division haka por 1 baje shiteng nohphai sngi hapdeng Cultural SC Namdong-B pyrshah ïaka The A Team FC.