Shillong, Nailur 12: Hadien ka jingshah thwet kaba jur ka Aktress Assamese, Choreographer Sumi Borah bad u kurim Tarkik Borah, kila wan ban pyndem noh ïalade hynne ka step hakhmat ki Pulit ka Dibrugarh, halor ka jingkynnoh ba ki donkti ha ka jyrsieh Online Trading ba kot da ki hajar klur, ong ka khubor ba la ïoh na ki pulit.
Ka khubor ka ïathuh ruh ba kine ki shi kurim ki la shah thwet ha ki Pulit lem bad 4 ngut kiwei pat hadien ba kim shym la wan mih hakhmat ki Pulit halor ka jingshah khot hajir na kane ka kam jyrsieh. Kane ka jingkhot hajir ka la wan jia ruh da ka jingïoh kem ïa uwei na kiba donkti ha ka jyrsieh u Bishal Phulan.
U Phukan uba long trai jong ka kompeni Online, ula shukor ïa ki nongkynshew pisa. Une u briew ula shah kem ha ryngkat u Manager na Dibrugarh ha ka taïew ba la lah.
U DGP ka Assam GP Singh, haba thoh ha ka X, ula pyntip ba kine ki shikurim ki la shah kem mynta ha ki Pulit ka Special Task Force (STF) bad la ïalam ïa ki sha Dibrugarh Police Station na ka bynta ban pynlong ïa ka jingtohkit.
Ïa ka jingtohkit halor kane ka jyrsieh la shimti da ka tnad CID bad ka Tnat Pulit ka la thaw ruh ïa ka Special Investigation Team (SIT) ban ngam jylliew ha ka jingtohkit ïa kane ka kam.
