Shillong, Naiwieng 1: Ka tnad Arts & Culture mynta kala pynkhreh janai bha da kaba maramot pynbha ïa ka jaka trei kam bad kumjuh ruh ïa ka State Central Library, ïa kaba la khmih lynti ba u Myntri Rangbah ka jylla ha kine ki khyndiat sngi un sap lie paidbah ïa ka.
Kum ban shu kdew ba naduh ba shimti ka Kong CD Lyngwa kum ka Director mar mar kala sdang ïa kine ki kam ban phah maramot ïa kane ka jaka naduh ki jaka shong nongtrei haduh ki kyrdan ophisar bad kiwei kiwei de.
Na ka liang u Dr Vijay Kumar, IAS ha ka sngi Saitjain hadien ba u la dep ban sam khusnam sha ki khynnah ba la pass bha ba pynlong da ka RLSSCO u la leit ban jurip ïa kane ka jaka ha ka jingsynran lang ka Director bad kiwei de ki ophisar.
Haba kren bad ki lad pathai khubor u Dr Vijay Kumar u la ong, ka jingtei kaba itynnad bha kaba don ruh hapdeng jong ka sor ïa kaba la tnad Arts & Culture kala shim ïa ka sienjam ban maramot ha kaba u Myntri Rangbah un sa plie paidbah.
Shuh shuh u la ong ba kane ka dei ka jaka paidbah bad ka long ruh kaba itynnad bha ha kaba ki samla pule bad baroh ki lah ban wan dakaba pyndonkam ban pule kot bad kiwei kiwei.
“Baroh shi katta ka lah sah khongreng bad da kane ka jingmaramot ba thymmai kala nang pynitynnad shuh shuh” u la ong.
Ha kaba ïadei bad ki jingtip ba bniah u Dr Vijay u la ong ba un sa ioh ha ka sngi ba u Conrad K Sangma un wan ban plie paidbah namar ba la shna ruh bun ki jaka ïa kiba khlem pyndonkam ha kip or ba la dep bad mynta lah pynkhuid lut baroh bad ka long ruh kaba itynnad bha.
Shuh shuh u la ong ba baroh ki nong shong shnong ka nongbah ki lah ban wan ialam ia ki khun ki kti ban sakhi ïa ka jingkhuid ka jingsuba bad ka jingitynnad jong ka.
