Nongpoh, Risaw 19: Ka FKJGP Mawtari Myrdon Circle kala pynrem jur bad maham da kaba tyngeh pyrshah ïaki riew shim kabu kiba leit ban bret pathar ïaki jaboh jabaiñ harud surok ban leit sha ka thaiñ Mawtari Myrdon ha Ri-Bhoi, ha kaba kum ka seng ka dang wat haduh mynta ban lap ïaki briew bad lada lap yn ai da ka jingpynshitom kaba tyngeh bad ban leit theh lut ïa kitei ki ñiut sha iing jong ki.
Naka liang ki nongïalam ka FKJGP ba kynthup ïa u Nangkiew Sohktung bad u Johny Sohktung kila pynpaw ba katei ka jaka ka dei kaba dang khuid dang suba kaba itynnad naka jingjyrngam ka mei mariang, hynrei katei ka jingleh jong ki riew shim kabu ban kawang ïaki ñuit harud surok kala pynsniew dur ïa katei ka jaka bad pynijli ïa kiba leit ba wan.
Kila pynpaw ruh ba kum ka sang ka dang wad haduh mynta ïa ki briew ba donkti ban bret pathar ïaki ñiut ha katei ka jaka, bad kyntu ruh ïakito ki nongbret ba kidei ban leit tam biang ïa kitei ki ñiut ym ban ap haduh ban da lap da ki dkhot ka seng, namar lada ki dkhot ka seng ki lap ïaki briew ba dokti kim banse ban leit pynkhuid ïa katei ka jaka bad ban leit theh ïa kitei ki ñiut ha iing jong ki.
Namarkata naka liang ka seng ka kyntu ïaki paidbah nongshong shnong bad kumjuh ruh kiba leit ba wan ba kim dei ban bret ñiut harud surok bad ban kawang kat shaba lap ba shem ban pynjaboh ïaka mei mariang, hynrei ban bret haki jaka ba dei ban bret bad lada lap naka liang ka seng kan sa leh da kaba tyngeh.
