U Rocky um dei u pyrsa trai jong nga: AL Hek

Shillong, Risaw 19 : U MLA ka Pynthorumkhrah u bah A.L Hek mynta ka sngi u la kyntait mardor da kaba ong ba u bah Rocky Hek um dei u pyrsa trai jongu.
U bah Rocky Hek u dei uba la pynkhreh ban iakhun pyrshah ïa u bah A.L Hek na ka NPP ha kane ka election MLA 2023.
Dang shen u nongïalam ka rim ka BJP u bah J.A Lyngdoh uba la leit phai biang sha ka Congress ban ïakhun na ka North Shillong Constituency, u la ong ba u bah Hek un ïa kynduh mawsiang ha kane ka kynti pyrshah ïa u pyrsah jongu u Rocky Hek.
Halor kane u bah Hek u la ong “U Rocky um dei satia u pyrsah trai jong ng”.
U la ong ka election te ka election namar wat la u la jop san sien ruh ha baroh sansien un hap ban trei shitom bad ïakhun da kaba tyngeh beit. “ Nga ïohi naduh kaba nyngkong bad haduh kaba san ruh ki long kumjuh namar ngim lah ban shu kheiñ sting ne khein troiñ ïaki kyrtong ba ïakhun pyrshah. Ka election te ka election ngi hap ban trei shitom ym ban kheiñ sting” ong u bah Hek.
U bah Hek u sngewkyrmen skhem ba ki paidbah kin dang ai shuh shuh ka jingshaniah ïa u ha kane ka election 2023 kumba ki la shaniah ïa u baroh shi katta kum u MLA jongki.
“ Ki paidbah kin ai ka jingkyrshan ïa nga namar ngam shym la mih tang ha ka por election ha kine ki 25 snem ki jingshakri jong nga kum u MLA. Nga trei bad pyrshang ban ai ka jingshakri kaba paka tam ïa ki paid ka constituency jongnga” ong u bah Hek.