Nongstoiñ, Nohprah 22: Da ki spah ngut ki riew paidbah na jan bad na jngai, ki la tuid ha ka Free Medical Camp ba la pynïaid da ka HSPDP Youth Wing Nongstoiñ Area unit ha ka sngi nyngkong ha ka shnong Mawlangdep West Khasi Hills.
Ha kane ka medical camp, ki nongïalam jong ka HSPDP Youth Wing ki la pynsngewthuh ruh ïa ki paidbah katei ka thaiñ, ïa ka jingmyntoi ba ki lah ban ïoh naa PMJVK scheme, namar ba lyngba katei ka jait scheme lah ban ïoh ïa ki dawai dashin ha ka dor ka ba duna bad ba bit na ki Hospital Sorkar.
La sakhi ruh ïa ka jingkmen na ki longkmie bad ki riew rangbah, kiba la pynpaw ïa jingmyntoi kaba khraw, lada ki khun samla ki ba la nang la stad, ki wanrah kum kine ki jingsumar ei, khamtam ban pynshai paidbah ïa kine ki jait scheme sha ki paidbah ka dong ka thaiñ ban ïoh jingmyntoi lang ïa baroh.
Ka dei ruh ka sien ba nynkong ba la wanrah da ki khun samla jong ka HSPDP kum ïa kine ki program. Hynrei, la sakhi ba ki paidbah ba bun ba lang ki ïoh ïa ka jingmyntoi. Kumjuh ruh, ka HSPDP ka la nang pynkhreh shait shait ban pynlong sa ha kiwei pat ki jaka ïa kum kine ki jait program na ka bynta ka jingmyntoi ki paidbah.
