Nongstoiñ, Risaw, 20: U Deputy Commissioner (EL) West Khasi Hills District, u Bah Garod L.S.N Dykes, u pyntip sha baroh ki samla pule na West Khasi Hills District kiba la aplai online na ka bynta ki Income Certificate, Scheduled Tribe Certificate, PRC, bad kiwei kiwei, hapdeng ka 10 tarik Nailur 2020. 2024 bad 26 tarik Nailur 2024, ba namar ki jingeh ha ki kor ki bor, ym pat lah ban pyntreikam ïa ki aplikeshon jong ki.
La kyntu ïa ki samla pule kiba shah ktah ba kin thep thymmai biang, namar ba ïa ki aplikeshon kiba lah dep thep, ka tnad kaba dei khmih, ka dang ïaleh ban sei bad shim biang ïa ki.
U Deputy Commissioner u pynpaw ka jingsngewkhia halor kane ka jingbym suk kaba la wanrah, namar ka jingthut ha ki kor ki bor bad la kyrpad ïa baroh ba kin ïai shah shipor. Na ka bynta ki jingtip ba kham bniah leit mih sha ka ophis jong u Deputy Commissioner.
