Thalaiñ ka High Court ïa ki Harijan ba leh shlak bad leh buit tuh ïa ka Sorkar bad ïa ka ïingkashari

Shillong, Naitung 03: Ka High Court (HC) of Meghalaya ha ka sngi ka la thalaiñ tyngeh ïa ka Harijan Panchayat Committee (HPC) ha ka por ba ka shim bishar ïa ka mokotduma kaba ki la ujor pyrshah ïa ka jingthmu ban pynkynriah ïa ki Harijan ha kaba ka kashari ka la kyntoh ruh ïa ka jingleh ka HPC kum ka jingleh shalak buit-tuh (playing fast and loose) ïa ka sorkar bad ka kashari.
Haba shim bishar ïa ka mokotduma da ka Kashari ki arngut ki nongbishar u Chief Justice ka High Court u Justice Sanjib Banarjee bad u Justice W Diengdoh ki la kdew ba kane ka jingleh ki Harijan ka long ka jingpynshad shrieh ïa ka Kashari.
“Ha ka sienshong bishar kaba khatduh ki pyrshang ban shon ha ka jabieng (impression) ba ïa kane ka kam kaba rit ka dei beit ïa kaban hap shongbishar hynrei hadien pat la ai jingkynthoh pynban ba ka Ïingkashari ka la batai bakla (interprate) ïa ka submission jong ki,””.
Na ka liang u Chief Justice u la ong ba kane ka jingleh ka HPC ka long ka jingleh kyllaiñ bym don akor ïa ka Kashari bad ïa ka sorkar bad na ka liang ka High Court ka khmih lynti bad ka sorkar kan pynsted noh ïa kane ka kam.
La ïohi ba na ka liang u Muktiar ba mih khmat ïa ka HPC u la ong ba ka HPC ka la ïashong pyrkhat ïa kane ka kam bad u Symbud Myntri Rangbah ka jylla hynrei na ka liang u Chief Justice u la ong ba kane ka jingleh kyllaiñ kam dei kaei kaei hynrei ka jingpyrshang bad pynshad shrieh ne playing fast and loose ïa ka sorkar bad ka Kashari.
Ka Kashari kan sa shim bishar biang ïa kane ka mokotduma ha ka 18 Naitung 2023.