Jowai, Naitung 04: Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Mookaswan Dongwah kala pynliem da 1-0 kol ïa ka Tympang, ïa katei ka shikol na ka Mookaswan Dongwah la thep da u Khel Shylla ha ka minit ba 19.
Ha ka jingïakhun kaba ar hapdeng ka kynhun Mupliang bad ka Umshangiar kila poi sha ka jingïakhaid khlem da don kiba thep kol 0-0. Kumjuh ha ka jingïakhun kaba lai hapdeng ka Saiñdur Mihmyntdu pyrshah ïa ka Lumsliar sliar kila poi sha ka jingïakhaid da mar 3-3 kol. ïa ki kol na ka Saiñdur Mihmyntdu la thep da u Lakhon Phawa ha ka minit ba 5 & 67 bad u Tremi Phawa ha ka minit ba 41. Na ka liang ka Lumsliar sliar la thep da u Elja Ryngkhlem ha ka minit ba 8 bad u Dabid Dkhar ar kol ha ka minit ba 55 & 59.
Katba ha ka jingïakhun kaba saw ka Mookynphad Mihmyntdu kala pynliem da 1-0 kol ïa ka Iooksi Youth Welfare, ïa katei ka shikol na ka Mookynphad Mihmyntdu la thep da u Wailad Shylla ha ka minit ba 50.
