T. 1 lak tyngka noh synñiang ka AOPE, MeECL, Meghalaya sha i heprit Ibapynhun lawphniaw

Mawkyrwat, ‘Nailar, 05: Ka Association jong ka Power Engineers (AOPE), MeECL, Meghalaya kaba long kawei na ki Association kaba don ha ka Meghalaya Energy Corporation Limited (MeECL) Department kaba trei na ka bynta ka bha ka miat jong ka department bad jong ka Association hi baroh kawei ka la ïoh ban leit noh synñiang sha i hep rit Ibapynhun Lawphniaw iba dang 3 snem tam na ka shnong Mawkohphet, Mawkyrwat South West Khasi Hills District.
Ka jingleit ban noh synñiang jong ka Association jong ka Power Engineers (AOPE), MeECL, Meghalaya ka long kumba T. 1 lak tyngka bad halor kane ka bynta ka AOPE, MeECL, Meghalaya ka pynpaw ïa ka jingsngewsih kaba khraw halor kane ka jingjia ba shah ine i hep rit i la shah bat ha ka bording electric naduh ka ha ka 21.04.2022 ha ka por mynstep.
Namarkata, ha ka kyrwoh khubor na u bah Wonder E. Pakyntein, Secretary jong ka Association of Power Engineers (AOPE), MeECL, Meghalaya u la ong ba kum ki briew haba la jia kat kane ka kam ki sngew kumba kim don ei ei shuh bad la duh ka jingkyrmen hynrei ha khmat jong U Nongthaw kine baroh ki long ki jingpynïaid bastad jong u.
U la ong ruh ba lada ki don ha kano kano ka jingngeit ym lei lei hynrei kaba khraw tam ka long ba U Nongthaw U dang pynsah ïa i ha kane ka pyrthei namar ba U kwah ïa i ba in leh ei ei ki kam kiba ma U U la thmu lypa. “To long phi ka briew kaba tieng burom ïa U Nongthaw bad wat duh jingkyrmen, hynrei shaniah ha U bad Un sa plie lad ïa phi ha bun ki bynta”, ong u bah Wonder E. Pakyntein.