Khliehriat, Naiwieng 01: Ka lympung ïalehkai jong ka kyrdan Super Division Football Tournament 2023 kaba la sdang hynne ka sngi ha madan Deinchynrum, EJHD bala pynïaid da ka East Jaiñtia Hills District Football Association (EJHDFA).
Haba phai sha ka jingïakhun mynta ka sngi sdang na ka liang ka kynhun Sutnga SSCC kala jop da 3-1 kol pyrshah ïa ka R. Iawpynsing SC, ïa ki kol naka Sutnga SSCC la thep da u Neesta Feeco Bamon haka minit ba 3, u Sumarbha Bareh haka minit ba 11, bad u Ioanis Suchen haka minit ba 90+4. Katba ïa ka shikol na ka R. Iawpynsing SC la thep da u Sixkiru Lyngdoh haka minit ba 32.
Ha ka jingïakhun kaba ar ka R. Shkenshynriah SC kala jop da 5-1 kol ïa ka R. Wahshnong SC, ïa ki kol na ka R. Shkenshynriah SC la thep da u Ribiang Dkhar haka minit ba 15, 58, & 86 (hattrick), u Hikaidame Bareh haka minit ba 69 bad u Roiboklang Bareh haka minit ba 90+2. Katba ka shikol na ka R.Wahshnong la thep da u Silas Lyngdoh haka minit ba 81.
Ïa kane ka lympung Super Division la wan ban plie pyrda ïa ka da u ma Shitmon Pdang LLB Public Prosecutor District Session Court East Jaiñtia ha ryngkat ka jingdonlang ki Waheh Shnong, ki riew pawkhmat jong ka District bad ki dkhot ka Association.
Ka jingïakhun haka 3 tarik u Naiwieng (Friday) ka Moolamanoh SC pyrshah ïa ka Thangskai Tiger SC, katba ka Dhana SC pyrshah ïa ka Khliehriat West YWSC.
