Shillong, Jylliew 27: Ka Sei La Sap FCC ka la pynthikna ïa ka jaka ha ka Quarterfinal jong ka lympung U-20 Fourth Division 2026 ba la pynïaid da ka Shillong Sports Association, hadien ba ka la pynliem noh ïa ka Phir Kurbah MS&CC da 4-0 ha ka jingïakhun pre-quarterfinal jong ka Group 4 ha ka sngi Saitjaiñ.
Da kaba shah rem ar sien lynter ka Phir Kurbah MS&CC kam don jingkyrmen shuh ban dang jam shakhmat.
Ha kane ka jingïalehkai, u Kerryson Khriem (11′) bad u Melberison Kharbangar (40′) ki la pynkhihjar mar kawei ha ka kylla step na ka bynta ka Sei La Sap shuwa ba u Insporjoy Rynjah (71′, 80’+1) un thep ar kol haba wanphai na ka por shongthait ban pynskhem ïa ka jingjop.
Ha kawei pat ka jingïakhun jong ka Group 3, ka Thynroit SC bad ka Laitlyngkot SC ki la ïasam mar shi point naba ïakhaid mar 0-0.
