Sngewsarong ka tnad pulit ba wanrah nam u Alan Sun naka 4th PAFI National Arm Wrestling Championship

Nongpoh, Jylliew 15: Ka tnad pulit jong ka Ri-Bhoi District mynta ka sngi kala pdiang burom bad pynpaw ka jingsngew sarong halor ka nam bad ka burom ba uwei naki pulit ka Ri-Bhoi DEF u Bah Alan Sun u ba dei u nongïakhun kti ba paw ka jylla, u la wanrah ka nam bad ka burom da kaba khur 2 tylli ki takma ksiar naka 4th PAFI National Arm Wrestling & Para Arm Wrestling Championship 2026 kaba la long dang shen ha Gujarat.
Utei u pulit u la shah khot mynta ka sngi ha kamra u Superintendent of Police ka Ri-Bhoi u Giri Prasad haka jingdonlang u Bah O Massar Addl. SP, ban ai ka jingkhublei ba kyrpang bad ruh ban pynpaw ka jingsngewsarong halor katei ka jingjop jong utei u dkhot ka jong tnad pulit.
U Bah Alan Sun u dei u nongïakhun kti ba paw ka jylla u ba la ioh ban khur bun tylli ki takma bad u ba la leit ruh ban shim bynta kylleng kylleng haki lympung bapher bapher ba kiba heh haka ri bad ka pyrthei, bad kane ka jingjop jong u kala long ka jingsarong ïaka tnad pulit ym tang ha Ri-Bhoi hynrei haka jylla baroh kawei.