Shillong, Jylliew 15: Ka Meghalaya Swimming Association ka la pyntip ba kan pynlong ïa ka sienjam kaba 19 jong ka lympung State Aquatic Championship ha ka 03 bad 04 tarik Naitung 2026 ha Crinoline Swimming Pool.
Ha kane ka Championship kin don lai tylli ki kyrdan katkum ka rta, na ka bynta ki khynnah shynrang bad kynthei, kata ka sub-junior (11-12 snem bad 13-14 snem), junior (15-16 snem bad 17-18 snem) bad ka Open (barit eh 13 snem).
Ki jingïakop kin long ha ka freestyle, backstroke, breaststroke, butterfly stroke, individual medley, freestyle relay bad ka medley relay ha ki jingjngai bapher bapher.
Ka jingpynrung kyrteng ka la plie bad kan kut ha ka 26 tarik u Jylliew ha ka por 10 baje janmiet. Na ka bynta ki jingtip ba kham bñiah phi lah ban phone ha kine ki number- 9862571179, 9402195891, 9436105362, 9436102104, 9862011211, 9774074974 lane 7005251678.
