Shillong, Naiwieng 27 : U Lamphang ka ïing Dorbar Thaw Aiñ u Thomas A Sangma ha ka sngi Balang, ula pynpaw ïa ka jingkmen halor ka jingnang bun ki MLA kynthei hapoh ka ïing Dorbar Thaw Aiñ da ka jingshah jied ka kurim u Myntri Rangbah ka Dr Mehtab Chandee A Sangma kum ka MLA ka Gambegre.
“Ka dei ka jingkmen kaba khraw ba ngi la ïoh ïa ka longkmie kaba saw ha ka ïing Dorbar Thaw Aiñ ka Jylla” ong u Thomas hadien ka jingpynbam smai ïa ka Dr Mehtab.
“Ka dei ka khyllip mat kaba sngew sarong ïa ki paidbah ka Meghalaya bad wat ïa ka Meghalaya Legislative Assembly. Ka dei ka jingkmen kaba khraw ban pynbam smai ïa ka MLA kynthei ba thymmai” ula bynrap.
