Nongpoh, Jylliew 22: Ka skulbah USTM, haka 21 tarik kala shibynta ban rakhe ïaka 12th International Yoga Day ha phyllaw jong ka skulbah da ka jingshim bynta shitrhem ki samla pule, ki nonghikai, ki nongtrei bad kiwei kiwei bad ïa katei ka jingrakhe la pynlong da ka Sports Forum jong ka skulbah USTM, halor ka phang Yoga for Healthy Living.
Ïa katei ka jingleh yoga la sdang bad lam khmat da u Myntri Rangbah duh ka ri lyngba ki kor internet, kaba la ai mynsiem ïa kiba bun ki nongshim bynta naka bynta ka met ba koit ba khiah, ka jingim bad ka jingmut jingpyrkhat kaba khuid ba suba.
Ha katei ka sngi naka liang uwei naki nonglehkai yoga ba pawnam ka ri bad ka pyrthei u Gauranga Hazarika u ba la wanrah nam ïaka ri u la shim bynta ban lamkhmat bad ban pyni ïaki nongïashim bynta haka jinglehkai Yoga ha katei ka skulbah ryngkat ka jingai mynsiem ïaki samla pule bad ki paidbah baroh ba ki dei ban pynmlien ïalade ban lehkai ban kilan bad pynkhlaiñ ïaka jingmut jingpyrkhat bad kumjuh ruh ka bor met naka bynta ka jingim kaba koit ba khiah.
