New Delhi, Jylliew, 22: Na ka bynta ka jingsuk ki nongleit nongwan bad ban pynkhlaiñ ïa ka jingdon jong ki jingdonkam ha ki surok bah ki paidbah bad ka surok ba stet tam, ka National Highways Logistics Management Limited (NHLML), kaba dei ka kompeni jong ka National Highways Authority of India (NHAI) ka la angnud ban don ka jingmaramot kaba kham kloi ïa ki surokbah
Kane ka kompeni ka la bthah ïa ka ophis treikam jong ki ban pynkyntu ïa ki nongwai ïa kiba shim ïa ki jaka shongthait ba kin pynkhreh kloi ïa ki jaka shna kali bad ki jaka shna tyre khnang ba ki nongleitkai kin nym ïakynduh jingeh haba ki kali ki sniew ha surok bah.
Kane ka jingpyntreikam ka thmu ban kham pynbit pynbiang ïa ki surokbah na ka bynta jong ki nongleit nongwan, pynsuk ka leit ka wan, jingïada na ka jingshitom bad ki aksiden kumjuh ruh ban ïoh ïa ka jingïarap kaba kloi ha ki por ba donkam kyrkieh ha ki surok bah.
Ka National Highways Authority of India (NHAI) ka kheiñ kordor bha ban pynbit pynbiang ïa ki jaka shna kali bad ki jaka suh tyndong ha ki jaka shongthait kiba don ha rud surok bah ban kyntiew ïa ka jingsuk jong ki nongleitkai, ban pynduna ïa ka jingslem ha ka leit ka wan, bad ban pynthikna ïa ka jingshong kai ha ki por ba kynduh jingeh.
Kine ki jaka sah shnong ki long kiba la thew ban ai ki jaka pynbiang kam ba kynthup ïa ki jingdonkam jong ki nongleitkai bad ki nongñiah kali kit mar ha ki surok bah bad surok ba stet tam.
Ka jingtei ïa kine ki jaka kan pynbiang ïa ka thong ban pynlong ïa ki surokbah National Highway kiba kynjoh kyrdan pyrthei bad ban pynsuk ïa ka jingleit jingwan jong ki paidbah. Ka jingleit kaba jem, kaba neh, bad kaba lait na ki jingpud jingkah bym donkam lane ka jingduna ha ki jingïarap ba kongsan.
Ka jingthmu jong ka NHAI ka long ba ka kular ban tei ïa ki surok bah kiba shngaiñ bad kiba peit bniah ïa ki nongleit nongwan kiba kyntiew ïa ka ïoh ka kot, ha ka juh ka por ba ki pynbiang ïa ki jingdonkam jong ki nongleit bad ki nongkit mar ha baroh ka ri.
