Shillong, Naiwieng 27: U Myntri Rangbah ka Jylla Conrad K Sangma ha ka sngi Balang ula ong ba ka wat kaba ar jong ka jingïakren pynbeit pud bad ka Assam kan sa sdang biang noh shen.
Haba ïakren bad ki lad pathai khubor, u Conrad ula ong “Ngi kyrmen ba ngin lah ban sdang biang ïa ka jingïakren bad ïakynduh noh shen hynrei ngan ym lah ban batai ïa phi ïa ka por ïa mynta tad haduh ba ngan da ïoh ïakren bad u CM ka Assam”.
“Ngi la ïakren man ka por hynrei hapdeng kane, kala wan noh ka elekshon, ka elekshon shiteng samoi bad kiwei kiwei ki kam, kumta kala kham jynjar namar kine kiei kiei ym namar jong kiwei pat ki daw” ula ong.
“Mynta ngin sa ïapeit, ngin sa ïakren. Nga tharai kan don ka jingthaw ïa ka Sorkar Maharashtra, ka elekshon ka dang shu kut ha Jharkhand bad kumta, kine ki jingeh kila mih, kiba la pynslem ïa ka jingïakren” ula bynrap.
