Shillong, Jymmang 09: Ka khubor ba la ïoh na ki pulit la ïathuh ba ha ka mied jong ka 4 tarik mynta u bnai, ki runar bym lah ban ithuh ki la tuh ïa kawei ka kaba don u nombar ML-05Q-9294 kaba dei jong u Bah B Synrem napoh ka jaka sah jong u kaba ha Upper Shillong.
Ha kawei pat ka jingjia ki pulit ki la ïathuh ba ha ka tarik mynta u bnai ha ka por 8.30 baje mynmied, uwei u briew uba kyrteng u Sibas Mawthoh ba ju khot da u Lung Ksep, la kynnoh ba u la pyrshang ban tuh ïa kawei ka masi napoh ka sem masi bad kumjuh ruh la kynnoh ba u la wiang ding ïa kawei ka ïing jong u Bah Swonki Mynsong uba na Dongkseh, Diengpasoh (EKH); hynrei ha kane ka jingjia la ïathuh ba tang kawei ka pla ka la ing. Na ka liang u trai ïing u la lah ban ithuh ïa une u ba la shah kynnoh da ka kyrteng katba kiwei pat ki arngut kiba ïadonlang kiba kynthup ïa u Budlang Rynjah ba la 27 snem ka rta bad u Wailad Mynsong ba la 19 snem ka rta ki la lait phet.
