Nongpoh, Jymmang 09: Ka Balang Presbyterian Wahsynon naduh ki Pastor, ki tymmen basan, ki rangbah Balang lem bad ki riewngeit ka Balang ki la pynpaw shisha ïa ka mynseim jong ka jingsngewnguh ïa u MLA ka Jirang Constituency bad uba dei ruh u MDC, u Bah Sosthenes Sohtun hadien ba u la ai sngewbha da ki Tin ba remdor ban sap ïa ka ïingmane kaba thymmai, shuwa ba kin rakhe ïa ka jingdap 50 snem ka Balang.
Ki nongïalam ka Balang ki la pynpaw ka jingsngewnguh hadien ba u Bah Sosthenes Sohtun da lade u la leit ban aiti ïa kitei ki Tin ban sop ïa ka ïingmane ba ka Balang Wahsynon ka la tei thymmai shi bynta ka jingpynkhreh ïa ka Jubili Ksiar ka jingdap 50 snem naduh ba la seng ha u snem 1975.
Haba kren sha ki lad pathai khubor u Rev. F. Syngkli lem bad ki tymmen basan bad ki Rangbah Balang ki la pynpaw ïa ka mynsiem jong ka jingsngewkmen, ba u MLA u la lah ban synñiang sngewbha da ki Tin ba remdor ba kin pyndonkam ha kaba tap ïa ka ïingmane kaba ki dang shna thymmai.
Ki nongïalam ka Balang Presbyterian Wahsynon ki la ai khublei kyrpang ïa u MLA bad ki kyrmen skhem ba da ka jingdon kti lang u MLA kin sa lah ban pynphuh pynphieng ïa ka jingrakhe dap 50 snem ka Balang kaba ki dang pynkreh shaid shaid bad khamtam ban pyndep noh ïa katei ka ïingmane shuwa ba kin rakhe ïa kane ka Jubili Ksiar.
Ka Balang Balang Presbyterian Wahsynon, ka dei kawei na ka Balang ba don ha ka Ri Bhoi Sepngi bad ka dei ruh ka Balang ba hap ha ka KJP Synod Sepngi.
